Hardanger Akvasenter AS
Besøksadresse:
Steinstø kai
5612 Steinstø

Postadresse:
Lingavegen 206
5630 Strandebarm

Tlf: +47 56 55 55 40
post@akvasenter.no 

 
 

Om Hardanger Akvasenteret

Velkomen til Norge sitt første nasjonale visningsanlegg for oppdrett av fisk.Sentralt i Fykse Landskapspark, 10 minutt kjøring på RV 7 frå Øystese mot Voss.
  • Utstilling og senter på Steinstø kai med god parkering
  • Følg laksen sitt livslaup frå smolt til gourmet-restaurant i Paris eller Tokyo
  • Få oppskrifter og informasjonsmateriell og kjøp gjerne ein lakseburgar
  • Båtskyss ut til oppdrettsanlegget og den flytande hovudbygningen
  • Etter avtale kan gangveg til anlegget nyttast
  • Med undervasskamera får gjestane eit godt inntrykk av livet i merden og
  • Frå merdkanten kan ein sjølv studera laksen i anlegget
  • Omvisning med presentasjon av moderne havbruk
  • Større grupper kan bestilla lunsj med delikate lakserettar kombinert med andre lokale råstoff frå Hardanger
  • Matprosjektet "Ein smak av kysten" og Hardangermenyen har vore med under tilretteleggjinga av lunsjmeny som består av lokale råvarer

Lingalaks AS

Lingalaks AS driv matfiskproduksjon innan havbruk, og har heile sin produksjon i Kvam herad. Total produksjon er ca 8 000 tonn laks pr.år. Selskapet sin produksjon av norsk laks er retta mot den internasjonale marknaden, og i 2006 gjekk mest heile produksjonen til eksport. Norway Royal Salmon AS står for salet.

Lingalaks AS har 9,5 konsesjonar for produksjon av laks og har ei omsetning på ca NOK 260 mill.

Lingalaks AS har lenge ynskt å syna fram havbruk i praksis. Selskapet vert ofte bede om visingsturar av både kundar, turistgrupper, reiselivsaktørar, skuleklassar, utstyrsleverandørar og enkeltpersonar som vil vitja oppdrettsanlegg.

Lingalaks AS eig selskapet Hardanger Akvasenter AS som vart skipa då Lingalaks fekk konsesjon til visingsføremål ihht. laksetildelingsforskrifta.

Hardanger Akvasenter AS byggjer på samarbeide. Kiosken på kaien vert driven av Heidi Steinstø Helgheim som også står for all matlaginga. Menyen er utvikla i samarbeid med matprosjektet "Smak av kysten". Mange av Lingalaks sine leverandørar er med i prosjektet ved at dei nyttar visingsanlegget til å syna fram sitt firma og sine produkt.  Innovasjon Norge, Regionalt næringsfond i Hardanger, Kvam herad og Hordaland Fylkeskommune har støtta prosjektutviklinga.

 
Rundt årskiftet 2011/2012 var det storm og det bles godt på rundt merdene på fjorden. Se fleire bilete
Stundentar frå NHH sin sommerskule kjem att for 4. året på rad til Akvasenter. Se fleire bilete
Havbruk i Norge 2020
Konferansen Havbruk i Norge 2020 vart halde i april 2011. Vi har publisert fleire av presentasjonane som vart vist under programmet for konferansen